|
Presidente do Parlamento Nacional presta homenagem a Sesurai |
Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Deputadu Adriano do Nascimento no Sekretáriu-Jeral Parlamentu Nasionál, Adelino Afonso de Jesus, presta omenajen ba saudozu Álvaro do Nascimento «Sesurai», iha nia rezidensia Bemori Díli, iha loron 17 fulan novembro tinan 2021.
Saudozu Sesurai hanesan Prezidente Konsellu Veteranus Munisipiu Covalima, ne’ebe hakotu-is iha Hospital Nasionál Guido Valadares Díli, iha loron 16 fulan novembro. |
17-11-2021 |
|
Presidente do Parlamento Nacional reúne com o Presidente Interino do Partido FRENTE- MUDANÇA |
Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, halo reuniaun ho Prezidente Interinu Partidu FRENTE-MUDANÇA, Igidio de Jesus, iha loron 9 fulan novembru tinan 2021, iha Gabinete Prezidente Parlamentu Nasionál nian.
Reuniaun refere ho objetivu atu hametin amizade entre lideransa partidu sira iha asentu parlamentar, liuliu partidu FRENTE-MUDANÇA ho Parlamentu Nasionál. |
10-11-2021 |
|
Parlamento Nacional aprova Voto de Pesar por Dom Basílio e Max Stahl |
Pagina Inicial»Noticia
Parlamentu Nasionál liu husi sesaun plenária extraordinária iha loron 3 fulan novembro tinan 2021, halo aprovasaun ba votu pezar ba saudozu Bispu Dom Basílio do Nascimento, ho 56 votu a favor, 0 kontra no 0 abstensaun no votu pezar ba saudozu Jornalista Max Stahl ho 56 votu a favor, 0 kontra no 0 abstensaun. |
04-11-2021 |
|
Comissão C organiza Seminário sobre Panorama Orçamental 2022 |
Pagina Inicial»Noticia
Komisaun C ne’ebe trata asuntu Finansas Públikas hamutuk ho parseiru sira hanesan Uniaun Europeia ne’ebe jere husi Camões I.P, organiza Seminariu Panorama Osamental 2022 nian iha Centro Formação Tibar durante loron tolu hahú iha loron 27 too 29 outubro tinan 2021.
Seminário ne’ebe abertura husi Prezidente Parlamentu Nasionál, Aniceto Longuinhos Guterres Lopes ne’e koalia liu kona-ba politika Governu no Orsamentu Jeral Estadu 2022 ne’ebe Governu aprezenta ona ba Parlamentu Nasionál. |
29-10-2021 |
|
Komisaun F finaliza ona diskusaun iha espesialidade ba alterasaun dahuluk Lei Sistema Saude |
Pagina Inicial»Noticia
Komisaun F ne’ebe trata asuntu Saude, Seguransa Sosial no Igualdade Jeneru, durante loron rua iha 27 no 28 finaliza ona diskusaun iha espesialidade ba Proposta Lei no 20/V(2ª) – alterasaun dahuluk ba Lei no 10/2004, loron 24 fulan novembro, Lei Sistema Saude.
Durante diskusaun ne’ebe prezide husi Prezidente Komisaun F, Deputadu Noé da Silva Ximenes «Buka Tuir», ho prezensa Ministra Saúde, Odete Maria Freitas Belo, diskute liu ba artigu hirak ne’ebe sofre alterasaun. |
29-10-2021 |
|
Parlamento Nacional faz Voto de Pesar a Max Stahl |
Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, hatete Parlamentu Nasionál sei halo votu pezar ba matebian Max Stahl, iha sesaun plenária extraordinária iha loron 3 fulan novembro tinan 2021.
Max Stahl hanesan herói ida ba povu Timor-Leste liu husi nia kontribuisaun ba luta libertasaun nasionál. Max Stahl la'ós de’it halo filmazen ba Masakre Santa Cruz maibé halo mós dokumentasaun ba lideransa sira frente armada nian iha tempu rezistensia hodi publika iha media internasionál sira. |
28-10-2021 |
|
Presidente do Parlamento Nacional recebe delegação da União Europeia |
Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Xefe Bankada sira, iha loron 27 fulan outubro tinan 2021, simu delegasaun husi Uniaun Europeia ba Misaun Observasaun Eleitoral, iha sala konferénsia Parlamentu Nasionál.
Objetivu vizita husi delegasaun ne’e atu buka hatene informasaun sira husi entidade relevante kona-ba eleisaun iha tinan oin, nune’e delegasaun refere sei informa ba alta entidade sira Uniaun Europeia hodi bele haruka nia delegasaun observador iha eleisaun tuir mai. |
28-10-2021 |
|
Parlamento Nacional autoriza 19.º Estado de Emergência |
Pagina Inicial»Noticia
Parlamentu Nasionál liu husi Sesaun Plenária, iha loron 26 fulan outubro tinan 2021, autoriza Prezidente Repúblika, Francisco Guterres “Lu-Olo”, hodi dekreta Estadu Emerjénsia ba dala 19º iha teritóriu nasionál ho durasaun loron 30, hahú iha loron 30 fulan outubro too loron 28 fulan novembro tinan 2021.
Pedidu autorizasaun ne’e bazeia ba kazu Covid-19 ho numeru pasiente ne’ebe baixa iha hospital balun iha estadu grave tanba la simu vasina. |
26-10-2021 |
|
Proposta de Lei da Comissão da Função Pública baixa à Comissão A |
Pagina Inicial»Noticia
Proposta Lei no 34/V(3ª) – Lei Komisaun Funsaun Públika, liu husi sesaun plenária iha loron 25 fulan outubro tinan 2021, baixa ona ba Komisaun A ne’ebe trata asuntu Konstitusinais no Justisa, hodi halo analiza no diskusaun antes aprezenta ba plenária hodi hetan aprovasaun final.
Proposta Lei ne’e simu diretamente husi Sekretário Komisaun A, Deputadu José Pacheco Soares, nune’e Komisaun A sei halo ajendamentu hodi diskute Proposta Lei refere. |
26-10-2021 |
|
Presidente do Parlamento Nacional participa na reunião do Conselho de Estado |
Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, partisipa iha reuniaun Konsellu Estadu, iha palasiu prezidensial, Díli, iha loron 25 fulan outubro tinan 2021.
Hafoin reuniaun, Xefe Kaza Sivil, Francisco de Vasconcelos, hatete, Prezidente Repúblika halo reuniaun ho Konsellu Superior Seguransa no reuniaun Konsellu Estadu bazeia ba pedidu husi Governu kona-ba renovasaun Estadu Emerjénsia nian ba dala 19º. |
25-10-2021 |
