Error message

Warning: A non-numeric value encountered in element_children() (line 6738 of C:\www.parlamento.tl\includes\common.inc).

Apreciação da Conta Geral do Estado

Página Inicial  » Apreciação da Conta Geral do Estado

I. I. Orçamento Geral Estado nian

Orçamento Geral Estado nian ne’e documento ne’ebé discute tinan-tinan iha Parlamento Nacional ne’ebé prevê receitas no despesas Estado nian.

Governo mak tem que apresenta, to’o dia 15 de Outubro tinan-tinan, proposta de lei kona-ba Orçamento ba tinan tuir mai.

Bainhira Presidente do Parlamento simu proposta ne’e, proposta sei fahe ba Comissão Parlamentar especializada sira hotu atu prepara sira-nia parecer, ne’ebé tem que haruka ba Comissão de Economia e Finanças iha loron 15 nia laran. Hanesan acontece iha processo apreciação ba naran iniciativa legislativa ida, comissão sira bele convida membros Governo nian, dirigente sira Administração Pública nian no representante sira husi sociedade civil atu hala’o audições.

Depois de simu parecer husi comissão especializada permanente sira, Comissão de Economia e Finanças elabora no haruka ba Plenário relatório no parecer kona-ba proposta de lei ba Orçamento Geral Estado nian, ne’ebé hola iha consideração situação económica e financeira nação nian, no mós analisa impacto ne’ebé Orçamento bele hamosu iha nação nia economia, no bele mós inclui recomendação oioin ba Governo.

Apresenta tiha Comissão nia parecer, Plenário sei hala’o discussão iha generalidade, ho duração máxima loron 3, depois sei iha discussão iha especialidade, ho duração máxima loron 10, no, ikus liu, votação final global.

Liutiha aprovação, Comissão sei hakerek versão final decreto nian, ne’ebé tuir mai sei haruka ba Presidente da República ba promulgação no publicação.

 

II. Relatório kona-ba Execução Orçamental
Governo sei apresenta ba Parlamento Relatório kona-ba Execução Orçamental, refere ba tinan fiscal anterior, iha fulan tolu nia laran depois de tinan respetivo ne’e hotu ona.

Admite tiha relatório, sei fahe ba bancada parlamentar sira hotu no ba deputado hotu-hotu, no mós ba comissão especializada permanente sira hotu, ba sira-nia apreciação.

Compete ba comissão especializada permanente sira atu prepara parecer fundamentado kona-ba relatório execução nian, ne’ebé, iha loron 15 nia laran, sei haruka ba Comissão de Economia e Finanças. Hanesan acontece iha processo apreciação ba naran iniciativa legislativa ida, comissão sira bele convida membros Governo nian atu mai hola parte iha reunião.

Comissão de Economia e Finanças sei elabora parecer final kona-ba relatório iha loron 10 nia laran.

Simu tiha relatório e parecer husi Comissão de Economia e Finanças, Presidente do Parlamento, depois de rona Conferência Representantes Bancada Parlamentar sira-nian, sei agenda debate ida ne’ebé sei la iha período antes da ordem do dia no sei iha duração máxima loron tolu.
Debate ne’e sei hahú no remata ho intervenção ida husi Governo. Molok taka debate, bancada parlamentar sira bele halo intervenção final ida ne’ebé nia duração Conferência Representantes Bancada Parlamentar sira-nian mak sei define.

III. Conta Geral Estado nian
Tribunal Superior Administrativo, Fiscal e de Contas sei apresenta parecer ba Parlamento kona-ba Conta Geral Estado nian, iha fulan sanulu nia laran depois de tinan económico ne’ebé refere to’o nia rohan.

Admite tiha Conta Geral Estado nian, Presidente sei manda fahe kedas ba bancada parlamentar sira hotu, no mós ba deputado sira ne'ebé husu.

Conta Geral Estado nian ne’e sei haruka mós ba Comissão de Economia e Finanças, ne’ebé sei elabora parecer fundamentado, no recomendação oioin se precisa karik, iha loron 30 nia laran, no sei haruka ba Presidente do Parlamento Nacional.

Presidente do Parlamento, rona tiha Conferência Representantes Bancada Parlamentar sira-nian, sei agenda debate parlamentar ida ho duração máxima loron ida.
Debate ne’e sei hahú ho intervenção ida husi partido oposição nian ne’ebé boot liu no sei remata ho intervenção ida husi Governo.

Molok taka debate, bancada parlamentar sira bele halo intervenção final ida ne’ebé nia duração Conferência Representantes Bancada Parlamentar sira-nian mak sei define.