Organograma Secretarido Parlamento nacional Nian

Página Inicial  »Organograma Secretarido Parlamento nacional Nian

Serviço Parlamento Nacional nian ka Serviço Parlamentar
Serviço Parlamentar maka serviço público constituído husi funcionário sira Parlamento Nacional nian ho estrutura orgânica ne’ebé sira hola parte bá, ho knaar genérico atu fó apoio técnico e administrativo ba órgãos no Deputado sira Parlamento Nacional nian no ba gestão Parlamento Nacional nian.

 

Princípio sira ba Serviço Parlamentar nia atuação
Serviço Parlamento Nacional nian, bainhira hala’o ninia knaar no responsabilidade, buka nafatin atu to’o iha padrão aas liu ética no excelência profissional nian no buka atu ninia atuação sempre tuir princípio hirak mai ne’e:

  1. Hala’o knaar ho hanoin atu hetan resultado no atu hala’o gestão no avaliação ba desempenho;
  2. Buka tulun-malu no halo colaboração ho funcionário sira hotu;
  3. Buka usa didi’ak recursos humanos e materiais, halo simples método serbisu no flexibiliza gestão, nune’e bele promove eficiência no produtividade serviço nian;
  4. Usa ho maneira eficaz, transparente no económica recurso hirak-ne’ebé iha;
  5. Buka hamenos burocratização procedimento sira-nian;
  6. Halo valorização, fó motivação no responsabilização ba funcionário sira;
  7. Contribui atu hatudu imagem di’ak no loloos Parlamento Nacional nian;
  8. Halo cooperação ho órgão constitucional sira seluk no mós Administração Pública nian, hanesan mós ho parlamento no instituição internacional seluseluk.

Serviço Parlamentar nia Valores no Código Conduta

Serviço Parlamentar iha princípio ético oioin ne’ebé hatuur iha Valores Serviço Parlamentar nian no iha mós Código Conduta ba Serviço Parlamentar. Documento rua ne’e inclui iha Lei kona-ba Organização e Funcionamento Administração Parlamentar nian - LOFAP

 

Secretariado-Geral
Secretariado-Geral nu’udar forma orgânica ba estrutura Serviço do Parlamento Nacional nian no inclui ninia unidade orgânica sira no função hotu-hotu.

2 – Secretariado-Geral organizado tuir hierarquia no Secretário-Geral mak dirige.

3 – Secretariado-Geral ninia knaar básico permanente maka sira tuir mai ne’e:

  1. Apoia órgão sira Parlamento Nacional nian, inclui Plenário no comissão parlamentar sira;
  2. Apoia Deputado sira;
  3. Fó informação no fó dalan ba público atu hatene trabalho sira Parlamento Nacional nian;
  4. Hala’o gestão iha nível administrativo, patrimonial no recursos financeiros no humanos nian;
  5. Buka garante katak iha no aplica tecnologia comunicação no informação nian ne’ebé adequado.

Planu Tinan-Tinan kona ba Atividade Sekretariadu ba tinan 2011
 

Organograma Serviço Parlamentar nian