Error message

  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).
  • Warning: A non-numeric value encountered in element_children() (line 6738 of C:\www.parlamento.tl\includes\common.inc).

Parlamentu Nasionál autoriza Estadu Emerjénsia ba dala 19º

Pagina Inicial»Noticia

Parlamentu Nasionál liu husi Sesaun Plenária, iha loron 26 fulan outubro tinan 2021, autoriza Prezidente Repúblika, Francisco Guterres “Lu-Olo”, hodi dekreta Estadu Emerjénsia ba dala 19º iha teritóriu nasionál ho durasaun loron 30, hahú iha loron 30 fulan outubro too loron 28 fulan novembro tinan 2021.

Pedidu autorizasaun ne’e bazeia ba kazu Covid-19 ho numeru pasiente ne’ebe baixa iha hospital balun iha estadu grave tanba la simu vasina.

Iha semana ikus ne’e, kazu Covid-19 hahú reduz ona maibé sei ejisti hela numeru baixa no liga ba partisipasaun vasinasaun ne’ebe sei menuz husi munisipiu balun.

Tanba ne’e ho Estadu Emerjensia, Governu presija iha kbiit natoon hodi halo prevensaun di’ak liu tan liuliu ponto entrada sira no aumenta numeru vasinasaun iha teritoriu nasionál.

Bankada Parlamentar sira mós apoiu autorizasaun Estadu Emerjensia ne’e hodi prevene di’ak liu tan moras refere.

Husi diskusaun naruk, Deputadu sira autoriza deklarasaun Estadu Emerjensia liu husi votasaun 43 votu a favor, 5 kontra no 12 abstensaun.

Sesaun Plenaria ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membro Meza sira no hetan prezensa husi Ministru Prezidénsia Konsellu Ministros, Fidelis Manuel Leite Magalhães, no membru Governu sira seluk.

Tags: