Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Xefe Bankada sira, iha loron 27 fulan outubro tinan 2021, simu delegasaun husi Uniaun Europeia ba Misaun Observasaun Eleitoral, iha sala konferénsia Parlamentu Nasionál.
Objetivu vizita husi delegasaun ne’e atu buka hatene informasaun sira husi entidade relevante kona-ba eleisaun iha tinan oin, nune’e delegasaun refere sei informa ba alta entidade sira Uniaun Europeia hodi bele haruka nia delegasaun observador iha eleisaun tuir mai.
Prezidente Parlamentu Nasionál hatete sistema eleitoral Timor-Leste hetan apresiasaun iha mundo liuliu iha Asia, maibé presija hadi’a no hametin iha eleisaun sira tuir mai.
Atu garante eleisaun ida justu no transparénsia, Timor-Leste kontinua presija apoiu misaun observador sira liuliu iha período eleisaun.
