Pagina Inicial»Noticia
Komisaun Espesializada Permanente sira Parlamentu Nasionál nian, iha loron 24 janeiru tinan 2024, realiza atividade sira hanesan, Komisaun A ne’ebe trata asuntu konstitusionál no justisa, vizita fiskalizasaun ba RAEOA-ZEEMS no Komisaun E, ne’ebé trata asuntu Infraestrutura, halo vizita fiskalizasaun ba munisípiu Ainaro;
Komisaun seluk ne’ebé realiza reuniaun iha Sala kada komisaun mak hanesan, Komisaun B ne’ebe trata asuntu Negósiu Estranjeiru, Defeza no Seguransa Nasionál, halo diskusaun no aprovasaun ba planu atividade komisaun nian ba tinan 2024; komisaun C, trata asuntu Finansas Públikas, halo apresiasaun no aprovasaun ba kalendáriu fiskalizasaun nomos orsamentu komisaun nian, nune mós debate kona-ba fiskalizasaun ba Porto Tibar; Komisaun D, ne’ebe trata ba asuntu Ekonomia no Dezenvolvimentu, halo apresiasaun no aprovasaun ba ata reuniaun anterior nian no halo diskusaun kona-ba planu atividade komisaun nian ba tinan 2024; Ikus liu, Komisaun G ne’ebe trata asuntu Edukasaun, Juventude, Kultura no Sidadania, realiza reuniaun hodi halo apresiasaun no aprovasaun ba atas reuniaun sira anterior nian. Fim.
