Pagina Inicial»Noticia
Parlamento Nacional iha loron 8 fulan outubro tinan 2020, aprova ona iha final global ba Proposta de Lei n.o 22/V (3ª) - Orçamento Geral do Estado (OGE) tinan 2020 nian, ho votos 43 a favor, 21 contra no 1 abstenção.
Antes hakat ba votação final global, Deputado sira halo uluk aprovação ba artigo hirak ne’ebé seidauk hetan aprovação, hahú hussi artigo 22 no termina iha artigo 27 ne’ebé regula kona-ba entrada em vigor.
Hafoin votação final global, Presidente Parlamento Nacional informa kedas ba Comissão C hodi halo redação final no haruka ba gabinete Presidente Parlamento no envia ba Presidente República hodi halo promulgação.
Deputado sira mós halo declaração de voto hodi declara opinião no posição politica kona-ba OGE 2020 ne’e.
Sessão Plenária ne’e preside hussi Presidente Parlamento Nacional, Aniceto Longuinhos Guterres Lopes, acompanha hussi membro Mesa sira no marca presença hussi Primeiro-Ministro, Taur Matan Ruak, acompanha ho nia membro Governo sira.
