Pagina Inicial»Noticia
Comissão A iha Parlamento Nacional ne’ebe trata assuntos Constitucionais e Justiça, iha loron 15 fulan julho tinan 2020, halo ona harmonização ba estrutura no alteração ba artigo balun iha Projeto de Lei n.o 1/V/1ª – Medidas de Prevenção e Combate Corrupção.
Harmonização ne’e membro sira Comissão A mós halo alteração ba artigo balun liu hussi proposta alteração ne’ebe apresenta hussi Deputado sira.
Hafoin harmonização no aprovação ba artigo sira, total 118 artigo hussi projeto de lei ne’e mak sei apresenta ba Plenária hodi hetan aprovação final global.
Discussão ne’e preside hussi Presidente Comissão A, Deputado Joaquim dos Santos «Boraluli», acompanha hussi membro sira, assessor no técnico sira. Tuir plano, aprovação final global ba projeto de lei ne’e sei realiza iha semana oin.
