Pagina Inicial»Noticia
Parlamento Nacional, liu hussi reunião Plenária ordinária iha loron 16 fulan março tinan 2020, plenário halo debate urgência ho Vise Ministra Saúde ba Cuidado Saúde Primária e Ministra Saúde em Exercício dr. Élia Antónia de Araújo dos Reis Amaral no Ministra das Finanças Interina, Sara Lobo Brites kona-ba medidas prevenção no combate coronavírus.
Iha apresentação Ministra Saúde nian, hatete, Timor-Leste horas ne’e daudaun seidauk confirmado ba covid-19, iha ema nian haat mak suspeita maibé depois de halo teste resultado negativo, mesmo hanessan ne’e, Ministério Saúde afirma katak, Governo nafatin halo preparação hodi halo prevenção antes no karik deteta positivo ruma. Nune’e mos Ministra das Finanças, hatete ministério prepara ona proposta alteração ba artigo balun iha lei gestão financeira ninian hodi apresenta iha reunião Conselho Ministra no sei apresenta mai Parlamento hodi hetan autorização, hodi nune’e, Governo bele atende pedido urgência sira.
Iha intervenção diversas, Deputado sira hato’o preocupação relaciona ho udan boot ne’ebé mak hamossu inundação makas iha cidade Díli no halo população barak mak lakon sira nia hela fatin, sassán uma laran no seluk tan; SECOMS tem que cria fontes de informação único ba público; Precisa Bombeiros nia apoio hodi rega ou fasse população sira ne’ebe afetado hussi inundação; Ponte Natarbora seidauk hadi’a; problema bee-moos; Problema Saúde; no mos informação importante sira seluk.
Hatán ba problema ne’ebé levanta hussi Deputado sira, Secretário de Estado da Comunicação Social, Mericio Juvinal Akara, hatete, Governo la taka matan ba População afetado hussi desastre naturais ne’e, Governo fó ona apoio balun ba comunidade ne’ebé afetado no IGE halo daudaun serviço hodi atende; relaciona ho cria fonte informação única, Governo prepara no sei lança portal ida hodi fó sai informação ba públicos; Informação seluk sei encaminha nafatin ba ministério competente hodi toma atenção no resolve.
Além de informação diversas, distribui ba plenário relatório terceiro trimestre hussi UPMA; informação kona-ba carta hussi Bancada Parlamentar CNRT relativa à indicação Deputado sira ba Assembleia Interparlamentar da Asean (APA).
Sessão Plenária ne’e preside hussi Vice-Presidente Parlamento Nacional, Luis Roberto da Silva, acompanha hussi membro da Mesa sira, no hetan presença hussi Secretário de Estado da Comunicação Social, Mericio Juvinal Akara.
