Pagina Inicial»Noticia
Presidente do Parlamento Nacional, Arão Noé de Jesus da Costa Amaral, halo reunião ho Ministro da Justiça, Manuel Cárceres da Costa, iha loron 16 fulan julho tinan 2019, iha Gabinete Presidente nian.
Iha reunião ne’e Ministro da Justiça atualiza serviço Ministério da Justiça nian, liuliu reforma setor justiça, inclui pacote legislativo ida ne’ebé sei submete ba Conselho dos Ministros hafoin submete ba Parlamento Nacional hodi hetan apreciação.
Alem de ne’e informa ba Presidente do Parlamento Nacional kona-ba levantamento cadastro quase trezentos mil (300.000) parcelas, ne’ebé precisa iha lei ida hodi reconhece levantamento ne’e hodi fó certificado ba na’in ba rai sira, inclui assunto importante sira seluk liga ba tribunal sira, juiz, procurador no seluk tan.
