Pagina Inicial»Noticia
Presidente do Grupo das Mulheres Parlamentares de Timor Leste (GMPTL), Deputada Lídia Norberta dos Santos Martins, halo reunião trimestral ho Secretária de Estado de Igualdade e Inclusão (SEII), Maria José da Fonseca Monteiro de Jesus, ho nia equipa iha loron 12 fulan junho tinan 2019, iha sala reunião GMPTL.
Reunião ne’e hanessan reunião dahuluk entre GMPTL ho SEII iha mandato V Legislatura nian, ho objetivo atu informa ba GMPTL kona-ba atividade no implementação orçamento ne’ebé durante ne’e parte SEII halo ona iha mandato VIII Governo tinan dahuluk nian.
Programa sira ne’ebé SEII realiza ona mak hanessan empoderamento feto iha vida politica iha nível foti decisão, halo abordagem integrado género iha área; há-forca feto iha saúde no educação ho objetivo atu assegura feto sira iha acesso ba saúde ho educação iha nível nacional, principal iha área rural sira, contínua halo advocacia ba instituição Estado hotu ho objetivo atu assegura promoção igualdade género no inclusão.
Além de ne’e, horas ne’e daudaun SEII mós iha ona processo preparação halo relatório hodi entrega ba Comité CEDAW, inclui serviço sira seluk.
Presidente GMPTL lori membro tomak GMPTL nian agradece ba esforço tomak SEII nian ne’ebé realiza ona serviço barak no continua coopera ba malu iha futuro nune’e bele atingi objetivo ne’ebé ema hotu hakarak.
