Pagina Inicial»Noticia
Presidente do Parlamento Nacional, Arão Noé de Jesus da Costa Amaral, acompanha hussi Vice-Presidente Parlamento Nacional nain rua no Secretária da Mesa, halo reunião ho Embaixadora Estados Unidos da América iha Timor-Leste, Kathleen M. Fitzpatrick, ho nia equipa, iha loron 4 fulan junho tinan 2019, iha Gabinete Presidente do Parlamento Nacional nian.
Objetivo hussi reunião ne’e, Embaixadora halo apresentação ba oradór nain rua ne’ebé mai hussi House Democracy Partnership hussi Estados Unidos da América, ida hussi Partido Democrática no ida hussi Partido Republicano. Oradores na’in rua sei partilha experiência ho membro Parlamento Nacional de Timor-Leste, iha seminário ne’ebé mak sei realiza iha loron 07 fulan junho tinan 2019, iha Parlamento Nacional.
Iha reunião ne’e, Presidente do Parlamento Nacional agradese e apresia ba apoio ne’ebé mak International Republican Institute (IRI) halo hodi hametin diak liu tan relação entre Timor Leste ho Estados Unidos da América.
Depois de reunião ho Presidente Parlamento Nacional, Embaixadora ho nia ekipa kontinua reunião ho Secretário-Geral hamutuk ho Secretário-Geral Adjunto Parlamento Nacional nian, hodi koalia kona-ba facilidade ne’ebé mak Secretariado sei facilita wainhira realiza Seminário refere iha Parlamento Nacional.
