Pagina Inicial»Noticia
Grupo das Mulheres Parlamentares de Timor Leste (GMPTL) hala’o nia reunião mensal ba fulan maio nian, iha loron 28 fulan maio tinan 2019, iha sala reunião GMPTL.
Reunião ne’e lidera hussi Presidente GMPTL, Deputada Lídia Norberta dos Santos Martins, ho objetivo atu ko’alia kona-ba execução orçamento GMPTL nian ba atividade hirak ne’ebé realiza ona durante ne’e, no halo avaliação ba atividade hirak ne’ebé realiza ona hanessan comemoração Loron Internacional Família iha Município Bobonaro, Ainaro, Baucau no Díli.
Aliem de ne’e ko’alia mós kona-ba plano no programa ne’ebé GMPTL sei hala’o iha futuro inclui orçamento hodi financia programa sira.
