Pagina Inicial»Noticia
Parlamento Nacional liu hussi secretariado-geral participa iha Feira do Livro iha Município Cova-Lima iha loron 3 too 4 fulan maio tinan 2019, hodi celebra Dia da Língua Portuguesa e da Cultura da CPLP.
Atividade Feira do Livro ne’ebé hala’o iha escola CAFE Suai ne’e, Secretariado Parlamento Nacional apresenta livro sira kona-ba Parlamento Nacional ne’ebé hakerek ho Língua Portuguesa hanessan O Parlamento Nacional de Timor-Leste, Processo Legislativo Comum, A Mesa, Manual dos Deputados, Regimento do Parlamento Nacional, Plano Estratégico, Constituição RDTL, Fotografias dos Antigos Presidentes no Fotografia oficial de cada Legislatura nian.
Livro hirak ne’e distribui ba estudante sira, professor sira no autoridade local sira ne’ebé participa iha atividade feira ne’e.
Celebração Dia da Língua Portuguesa e da Cultura da CPLP ne’e iha mós discurso hussi Coordenadora do Projeto dos CAFE, Dra Antonieta, Embaixador de Portugal, Representante do Ministério da Educação, Coordenadora do CAFE de Suai, Diretor da Educação do Município de Cova Lima no apresentação dança tradicional inclui poesia hussi escola sira iha Município Cova Lima no escola CAFE hussi município sira seluk.
