Pagina Inicial»Noticia
Parlamento Nacional liu hussi reunião Plenária ordinária iha loron 30 fulan abril tinan 2019, Deputado sira hato’o preocupação kona-ba problema oioin ne’ebé comunidade sira enfrenta iha moris loroloron nian.
Deputado sira preocupa kona-ba comunidade balun hari uma bessik mota ninin, construção estrada iha Tassitolu Tibar ne’ebe provoca rai rahun, problema veterano sira tinan 24 iha ai-laran nafatin iha FALINTIL-FDTL hafoin reforma maibé la hetan atenção hussi Governo, pagamento ba salario Diplomata sira ne’ebé tarde, colchão iha Hospital Referencia Suai ne’ebé aat ona, maquina impressão hussi Ministério Educação nian iha Comoro ne’ebe abandona tanba falta de recurso humano, nomos assunto sira seluk.
Hatán ba problema ne’ebé levanta hussi Deputado sira, Secretario de Estado para Comunicação Social declara assunto ne’ebé levanta hussi Deputado sira sei encaminha nafatin ba ministério competente hodi toma atenção.
Reunião ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Secretário de Estado para Comunicação Social, Merício Juvenal dos Reis.
