Pagina Inicial»Noticia
Membro Comissão D ne’ebé trata assunto Economia e Desenvolvimento, Deputado José Virgílio R. Ferreira, halo abertura ba teste físico hussi jovem sira Município Manatuto ba Programa Serviço Seasonal Austrália nian.
Teste ba jovem sira ne’e organiza hussi Secretário de Estado da Formação Professional e Emprego (SEFOPE), iha loron 29 fulan abril tinan 2019, iha ex-edifício Administração Município Manatuto.
Iha intervenção Deputado José Virgílio R. Ferreira, ne’ebé lori mós naran GMPTL (Grupo das Mulheres Parlamentares de Timor- Leste) agradece ba participação jovem feto sira iha processo teste ne’e.
Instituição hotu iha responsabilidade hodi promove no investe feto sira iha aspeto hotu-hotu, liuliu iha serviço sira ne’ebé SEFOPE promove hela.
Iha processo teste ne’e, Deputado haree diretamente lala’ok oinsá halo teste físico ba jovem feto sira, atu continua fó coragem ba jovem feto sira.
Participa iha processo teste ne’e mak hanessan Diretor Geral SEFOPE, Paulo Alves, Secretário Administrador do Município Manatuto, Agripino da Silva Sarmento Ramos Costa, Comandante PNTL Município Manatuto, inclui convidado sira seluk.
