Pagina Inicial»Noticia
Presidente Comissão da Função Publica, Faustino Cardoso Gomes, acompanha hussi Comissario sira entrega relatório tinan 2018 nian ba Presidente do Parlamento Nacional, Arão Noé de Jesus da Costa Amaral, iha loron 24 fulan abril tinan 2019, iha Gabinete Presidente do Parlamento Nacional.
Alem de ne’e, Presidente CFP mós entrega livro inventariação património Estado nian ba responsável órgão legislativa ne’e atu fahe ba Deputado sira antes halo apresentação iha Plenária.
Iha relatório ne’e parte ida mak ko’alia kona-ba processo disciplinar nian, haree kona-ba funcionário sira ne’ebé viola lei, dever específico no dever geral, viola código ética iha função pública nian no viola proibição sira ne’ebé mak estatuto função pública define.
Presidente do Parlamento Nacional agradece ba serviço tomak CFP nian no continua encoraja atu servi di’ak liu tan iha futuro.
Relatório ne’e tempo badak sei distribui ba Deputado sira, no marca agenda hodi halo discussão iha Plenária.
