Pagina Inicial»Noticia
Parlamento Nacional compromete atu fó homenagem ba massacre sira iha Timor-Leste, liu hussi Resolução Parlamento Nacional.
Iha Reunião Plenária ordinária iha loron 15 fulan abril tinan 2019, Deputado sira sugere atu fó homenagem ba acontecimento massacra sira iha Timor-Leste ne’ebé hamate timoroan barak.
Deputado sira hussu atu identifica acontecimento massacre sira atu Parlamento Nacional bele halo homenagem dala ida.
Alem de ne’e Deputado sira mós questiona kona-ba condição irrigação iha Posto Administrativo Laleia, Agua potável iha capital Díli, no seluk tan.
Ministro da Reforma Legislativa e Assuntos Parlamentares, Fidélis Manuel Leite Magalhães, hatete preocupação sira ne’e sei encaminha ba ministério relevante hodi fó atenção.
Iha Sessão Plenária ne’e mós Bancada FRETILIN liu hussi Deputada Anabela Savio, hato’o declaração política relaciona ho polémica utilização combustível ba karreta privado.
Reunião Plenária ne’e preside hussi Vice-Presidente do Parlamento Nacional, Maria Angelina Lopes Sarmento, acompanha hussi membro da Mesa sira, no hetan presença hussi Ministro da Reforma Legislativa e Assuntos Parlamentares, Fidélis Manuel Leite Magalhães.
