Pagina Inicial»Noticia
Parlamento Nacional liu hussi reunião Plenária Extraordinária, iha loron 22 fulan março tinan 2019, fó homenagem ikus ba Eis Deputado segunda Legislatura nian, Gil da Costa Auxiliadora Nheu Alves, ne’ebé hakotu iis iha Hospital Nacional Guido Valadares (HNGV), iha loron 17 fulan março tinan 2019.
Iha sessão homenagem ikus ne’e, Secretária da Mesa halo leitura ba voto de pesar, tuir mai, Bancada Parlamentar sira mós hato’o sentidas no profunda condolências ba família matebian, no la haluha contribuição matebian nian iha processo desenvolvimento iha nação ida ne’e durante nia mandato.
Saudoso Gil da Costa Alves hanessan membro Deputado eleito iha segunda Legislatura 2007 hussi Bancada Coligação ASDT, no sai convidado integra iha formação IV Governo Constitucional, hanessan Ministro do Turismo, Comercia e Industria.
Hafoin sessão homenagem iha Parlamento Nacional, continua kedas lori saudoso ba hakoi iha cemitério Becusse.
