Pagina Inicial»Noticia
Parlamento Nacional liu hussi Reunião Plenária ordinária iha loron 19 fulan março tinan 2019, halo debate ho Ministro das Obras Públicas, Salvador Soares dos Reis Pires, ho nia Vice-Ministro.
Debate ne’e realiza baseia ba requerimento hussi Bancada FRETILIN, hodi debate kona-ba funcionamento no distribuição combustível ba Central Elétrica Hera no Betano.
Antes debate ho Ministro das Obras Publicas, Deputado sira halo uluk voto pesar ba falecimento Eis Senador Austrália, Gordon Mcintosh, ho 43 votos a favor, 0 contra no 0 abstenções, no mós acontecimento ba atake iha Mesquita Christchurch, Nova Zelândia, ho 42 votos a favor, 0 contra no 0 abstenções.
Durante debate, Deputado sira hussu ba Ministro das Obras Públicas hodi clarifica kona-ba funcionamento central elétrica sira hodi causa eletricidade lakan mate.
Além de ne’e, Deputado sira mós hussu kona-ba problema inundação iha capital Díli inclui município balun hodi afeta ba comunidade sira-nia uma no edifício público balun.
Ministro das Obras Públicas hatete Governo contínua esforço hodi resolve ba problema hirak ne’ebé população sira hassoru liuliu kona-ba eletricidade, estrada, no seluk tan.
Debate ne’e lidera hussi Vice-Presidente do Parlamento Nacional, Deputada Maria Angelina Lopes Sarmento, acompanha hussi membro da Mesa sira no hetan presença hussi Ministro da Reforma Legislativa e assuntos Parlamentares, Fidelis Manuel Leite Magalhães, no Ministro das Obras Públicas, Salvador Soares dos Reis Pires.
