Pagina Inicial»Noticia
Presidente do Parlamento Nacional, Arão Noé de Jesus da Costa Amaral, halo reunião dahuluk ho dirigente sira Secretariado-Geral Parlamento Nacional nian hanessan, Secretário-Geral, Secretário-Geral Adjunto, Coordenadores dos Gabinetes, Cargos Direção no Chefia sira, iha loron 27 fulan fevereiro tinan 2019, iha Sala Conferência Parlamento Nacional.
Objetivo hussi reunião ne’e atu Presidente rona progresso no desafio serviço nian hussi Direções, Coordenadores dos Gabinetes no Divisões iha Secretariado-Geral depois de toma posse. Nune’e, Direção sira halo apresentação kona-ba necessidade no dificuldade sira ne’ebé enfrenta ba Presidente Parlamento Nacional atu buka solução.
Depois de apresentação hussi Diretor sira, Presidente do Parlamento Nacional hussu ba Diretores, Coordenadores dos Gabinetes no Chefias atu serviço tuir regra no lei ne’ebe mak iha. Além de ne’e, Presidente mós agradece ba Diretor sira tanba iha semana rua nia laran, consegue identifica desafio ne’ebe iha no hussu atu bele buka solução.
Participa iha encontro ne’e mak hanessan, Secretário-Geral, Adelino Afonso de Jesus, Secretário-Geral Adjunto, Luís Nascimento, Diretores, Coordenadores dos Gabinetes e Chefe divisão sira Parlamento Nacional nian.
