Pagina Inicial»Noticia
Parlamento Nacional liu hussi reunião Plenária ordinária iha loron 18 fulan fevereiro tinan 2019, halo apreciação ba petição ne’ebé apresenta hussi população sira Fulolo, Bairro Sumoro, Cidade de Pante Macássar, Oecússi Ambeno.
Petição kona-ba rai ne’e apresenta ona ba Comissão A no liu hussi fiscalização ba ZEESM (Zonas Especiais de Economia Social de Mercado prepara relatório no apresenta ba Plenária hodi hetan apreciação.
Iha sessão Plenária ne’e mós Bancada CNRT hato’o declaração politica relaciona ho carta notificação hussi Procuradoria-Geral da Republica ba Presidente Partido CNRT, Kay Rala Xanana Gusmão foin lalais ne’e.
Alem de ne’e iha intervenção diversa, Deputado sira ko’alia kona-ba assunto educação liuliu processo recrutamento estudante foun iha UNTL no processo nomeação cargo sira direção no chefia iha Parlamento Nacional.
Reunião Plenária ne’e preside hussi Presidente do Parlamento Nacional, Arão Noé de Jesus da Costa Amaral, acompanha hussi membro da Mesa sira, no hetan presença hussi Ministro da Reforma Legislativa e dos Assuntos Parlamentares, Fidélis Leite Magalhães.
