Pagina Inicial»Noticia
Parlamento Nacional liu hussi sessão Plenária ordinária iha loron 12 fulan fevereiro tinan 2019, halo apreciação ba relatório hussi delegação Parlamento Nacional ne’ebé mak participa iha reunião Asian Parliamentary Assembly Standing comitte on political affairs and special committe on creation of asian parliamentary, iha fulan outubro tinan 2018, iha Gwadar Paquistão.
Delegação ne’ebé chefia hussi Deputada Maria Terezinha Viegas ne’e relata kona-ba vantagem no desvantagem Timor-Leste atu sai hanessan membro permanente iha Asian Parliamentary Assembly (APA).
Iha apreciação relatório ne’e, Deputado sira mós fó nia opinião kona-ba APA liuliu oinsá preparação Timor-Leste nian atu sai membro APA.
Sessão Plenária ne’e mós, bancada parlamentar sira hanessan Bancada FRETILIN, CNRT, KHUNTO hato’o declaração politica.
Além de ne’e, Deputado sira mós aprova edição Jornal Parlamento Nacional Nº 3 2018, datado de 21 de Junho, Nº 4-2018 de 26 de junho e Nº 5 de 30 de junho de 2018, ho 40 votos a favor, 0 contra no 0 abstenções.
Sessão Plenária ne’e preside hussi Presidente do Parlamento Nacional em exercício, Maria Angelina Lopes Sarmento, acompanha hussi membro da Mesa sira no hetan presença hussi Secretário de Estado para Comunicação Social, Mericio Juvenal dos Reis.
