Pagina Inicial»Noticia
Parlamento Nacional iha loron 21 fulan janeiro tinan 2019, fó posse ba Comissario ba Comissão Anti-Corrupção, Sérgio de Jesus Fernandes da Costa Hornai, iha Parlamento Nacional.
Antes fó posse, Secretária da Mesa, Deputada Maria Terezinha Viegas, lê uluk Resolução Parlamento Nacional kona-ba eleição ba Comissario Comissão Anti-Corrupção, no continua kedas ba juramento no assinatura termo de posse hussi Comissario Comissão Anti Corrupção.
Presidente do Parlamento Nacional, Arão Noé de Jesus da Costa Amaral, iha nia discurso hatete papel CAC importante tebes oinsá atu combate corrupção iha Timor-Leste.
Parlamento Nacional hanessan Órgão de Soberania continua fó confiança ba CAC hala’ó-nia serviço ho di’ak iha futuro, mas que hassoru desafio oioin.
Comissario ba Comissão Anti Corrupção, iha nia discurso hatete promete sei cumpre tuir juramento ne’ebé hala’o ona no sei hala’ó-nia função ho di’ak durante nia mandato.
Corrupção contra ato origem Estado de Direito Democrático, nune’e sei esforço hodi combate corrupção iha Timor-Leste ho dalan ne’ebé rigor no tuir dalan legal.
Cerimónia tomada de posse ne’e realiza iha parte lokraik ne’ebé participa hussi membro sira órgão de soberania sira, família empossado, no Deputado sira, enquanto iha parte dadeer liu hussi sessão Plenária, Deputado sira continua preocupa ba infraestrutura básica hanessan bee moos, estrada no seluk tan oinsá Governo bele soluciona.
Além de ne’e, Deputado sira mós preocupa kona-ba funcionário contratado balun ne’ebé Ministério da Educação e Juventude hapara foin lalais ne’e.
