Pagina Inicial»Noticia
Presidente Parlamento Nacional, Arão Noé de Jesus da Costa Amaral halo reunião mensal ho Presidente da Republica, Francisco Guterres “Lu-olo”, iha loron 30 fulan outubro tinan 2018, iha Palácio do Presidente da Republica Ai-tarak- laran Díli.
Iha reunia mensal ne’e, Presidente Parlamento informa ba Presidente da República kona-ba Participação Presidente Parlamento rassik iha reunião nível alto iha União-Interparlamentar (UIP) iha Genebra, ne’ebé ko’alia mos kona-ba assunto utilização Média Social ne’ebé sai tópico fundamental.
Alem de ne’e, informa mos kona-ba funcionamento Parlamento Nacional durante fulan ida ne’e nia laran, mak hanessan, admissão lei Petrolífero ba comissão sira mak hanessan; Comissão da Finanças Publicas (Comissão C) e Comissão Desenvolvimento e Economia (Comissão D), no estabelece mos Comissão de Inquérito Parlamentar, no assuntos seluk relaciona ho serviço logística Parlamento Nacional.
Ikus liu, Presidente da Republica, Francisco Guterres “Lu-olo” hateten, Assunto media social mos sai hanessan assunto ne’ebé ema hotu preocupa, liuliu lideres Nacional sira, tambá usa media social hodi difama ema nia privacidade, tambá ne’e, Presidente da Republica sugere atu Parlamento Nacional cria lei ida hodi bele criminaliza atos sira ne’e iha media social. Presidente da Republica mos aprecia ba serviço Parlamento Nacional durante fulan ida ne’e.
