Pagina Inicial»Noticia
Parlamento Nacional liu hussi reunião Plenária ordinária, iha loron 25 fulan setembro tinan 2018, hahú discute ona Projeto de Resolução N.o 12 / V (1a) – Recomenda ao Governo que toma medidas para a defesa e conservação do meio ambiente.
Projeto de Resolução ne’e apresenta hussi Deputado Francisco Miranda Branco, Deputado Antoninho Bianco, no Deputada Maria Fernanda Lay.
Projeto de Resolução ne’e ho objetivo fortifica política Governo nian liu hussi Secretario de Estado do Ambiente, kona-ba zero plástico no assunto lixo iha rai laran.
Liu hussi discussão naruk, decide hodi halo audiência ho ministério relevante liuliu Secretario de Estado do Ambiente iha tempo oin hodi define didi’ak resolução ne’e antes halo aprovação.
Iha reunião Plenária ne’e mós bancada FRETILIN liu hussi nia declaração politica hussu ba líder nacional sira hodi halo dialogo hodi hakotu impasse politica.
Sessão Plenária ne’e preside hussi Presidente do Parlamento Nacional, Arão Noé de Jesus, acompanha hussi membro da Mesa sira no hetan presença hussi Ministro da Reforma Legislativa e Assuntos Parlamentares, Fidélis Magalhães.
