Pagina Inicial»Noticia
Parlamento Nacional liu hussi reunião Plenária ordinária, iha loron 18 fulan setembro tinan 2018, halo votação ba deslocação Presidente da República ba Estados Unidos da América hodi participa iha 73a Assembleia Geral das Noções Unidas nian, ho votos 25 a favor, 33 contra, no 0 abstenções. Nune’e ho resultado votação ne’e la autoriza viagem chefe Estado ne’e.
Antes halo votação ba assentimento ba deslocação Presidente da República ne’e mossu discussão naruk hussi Deputado sira liuliu bancada oposição no bancada Governo nian kona-ba importância hussi visita chefe Estado ne’e.
Votação ne’e realiza iha período da ordem do dia nian enquanto iha período de antes da ordem do dia nian Deputado sira levanta problema hirak ne’ebé população sira enfrenta, hanessan problema lixo iha Tibar, questão segurança iha Díli laran liuliu oinsá Policia Nacional Timor-Leste bele halo segurança no patrulhamento horas 24 nia laran hodi previne crime sira.
Entretanto eleição ba Comissario Anticorrupção adia tanba la iha quórum tuir Lei CAC nian ne’ebé exige ¾ Deputados presentes.
