Pagina Inicial»Noticia
Vice-Decano hussi Faculdade Cultura e Educação hussi Guangxi Normal University, Guo Yuanbing, ho nia delegação halo reunião ho Vice-Secretária da Mesa sira, Deputada Maria Isabel F. B. Ximenes no Deputada Regina Freitas, acompanha hussi Presidente da Comissão G ne’ebé trata assuntos Educação, Juventude, Cultura e Cidadania, Deputada Albina Freitas ho membro balun Comissão G nian iha loron 13 fulan setembro tinan 2018, iha sala conferencia do Parlamento Nacional.
Durante reunião parte universidade apresenta kona-ba lala’ok universidade nian liuliu bolso de estudo ne’ebé oferece hussi universidade Guangxi Normal University, nune’e Parlamento Nacional bele iha informação suficiente kona-ba universidade ne’e.
Iha loron hanessan, Vice-Secretária da Mesa sira mós halo reunião ho delegação hussi Department of Foreign Affairs and Trade (DFAT) hodi discute kona-ba preparação matéria ne’ebé sei ko’alia iha conferência Grupo Mulheres Parlamentares da Austrália no Timor-Leste, ne’ebé sei hala’o iha fulan novembro tinan ida-ne’e iha Díli.
