Pagina Inicial»Noticia
Comissão G Parlamento Nacional ne’ebé trata assuntos Educação, Juventude, Cultura, e Cidadania, iha loron 1 fulan agosto tinan 2018 halo audiência ho Reitor Universidade Nacional Timor Lorosae (UNTL), Francisco Miguel Martins, iha sala Comissão G.
Iha audiência ne’e Comissão atu rona dificuldade no preocupação hussi parte UNTL nian kona-ba destruição ilegal ba propriedade UNTL nian ne’ebé mak localiza iha Suco Hera Posto Administrativo Cristo Rei Município Díli.
Destruição ba moru Faculdade da Agricultura UNTL nian ne’e quase 400 metros, hussi Agencia de Desenvolvimento Nacional (ADN).
Reitor UNTL mós aproveita tempo ne’e hodi informa mós ba Comissão G kona-ba processo construção edifício foun ba Faculdade Engenharia nian iha Suco Hera.
Presidente Comissão G Deputada Albina Marçal Freitas, agradece ba presença reitor UNTL nian hodi hato’o preocupação ne’ebé UNTL enfrenta. No parte Comissão G sei buka meios hodi informa ba Governo liuliu ministério relevante hodi soluciona preocupação ne’e.
Audiência preside hussi Presidente Comissão G ne’ebé acompanha hussi membro sira comissão nian ho hetan presença hussi Reitor UNTL ho nia equipa sira.
