Hodi hatán ba convite ne’ebé simu hussi Assembleia Nacional de São Tomé e Príncipe nia Presidente, Dr. Alcino Martinho de Barros Pinto, Sua Exa. Presidente do Parlamento Nacional, Vicente da Silva Guterres hala’o visita de trabalho iha São Tomé e Príncipe iha início fulan maio.
Secretário-Geral do Parlamento Nacional, Dr. Mateus Ximenes Belo, ho Deputados Anselmo da Conceição, Josefa Álvares Pereira Soares, Adriano João e Maria Adozinda Pires da Silva acompanha Presidente do Parlamento iha visita ne’e, ne’ebé nia objetivo principal atu hametin relação amizade no cooperação entre Parlamento rua ne’e.
Durante Sessão Solene hodi hato’o Bem-vindo iha Assembleia Nacional, Presidente do Parlamento Nacional de Timor-Leste iha oportunidade atu hato’o liafuan balu ba Representante sira hussi Povo São-tomense. Iha ninia intervenção nia sublinha relação amizade no fraternidade entre Parlamento hussi nação rua ne’e no nia assegura katak solidariedade ho São Tomé e Príncipe buras nafatin, no nia garante Parlamento Nacional de Timor-Leste nia disponibilidade atu hametin cooperação.
Presidente do Parlamento mós hassoru malu ho Presidente da República no Primeiro-Ministro São Tomé e Príncipe nian no, acompanhado hussi Deputado sira, hala’o soru-mutu ho Comissão dos Assuntos Políticos, Jurídicos e Constitucionais, ho Presidentes hussi Grupo Parlamentar sira, ho Grupo Parlamentar de Amizade São Tomé e Príncipe/Timor-Leste, no mós ho Embaixador sira Angola, Brasil, Cabo Verde, Guiné-Equatorial no Portugal nian.
