Prezidente Parlamentu Nasionál, Maria Fernanda Lay, akompaña husi II Vice-Prezidente no Sekretaria Meza, halo reuniaun regular ho Prezidente Republika, iha loron 20 fulan fevereiru tinan 2024, iha Palásiu Presidencial Aitarak-Laran.
Hafoin remata reuniaun, Prezidente Parlamentu Nasionál infoma ba jornalista sira katak, iha reuniaun ne’e, Prezidente atualiza kona-ba progresu servisu ne’ebe mak lao iha Parlamentu Nasionál no koalia mós kona-ba viajen Presidente Repúblika nian ba ABU-DHABI no oinsa atu fahe servisu durante partisipa Cerimónia iha ABU-DHABI.
Iha sorin seluk, Prezidente Parlamentu Nasionál mos infoma kona-ba dokumentus ne’ebe mak foin simu husi Tribunal Rekursu kona-ba Tribunal nia deklarasaun ba Inkonstituicionalidade LEI INDULTU. Relasiona ho ida ne’e, Prezidente Parlamentu infoma katak sei hare parte ne’ebé mak konsidera inkonstitucionalidade ne’e no Parlamentu Nasionál sei analiza kada artigos husi lei ida ne’e. Fim
