Pagina Inicial»Noticia
Teknika husi Senado Federal Brasil, Edilene Oliveira de Sousa, ne’ebe fó formasaun kona-ba takigrafia ba funsionáriu sira Divizaun Redasaun, Transkrisaun no Dokumentasaun, Sekretariadu Parlamentu Nasionál nian termina nia formasaun iha fulan fevereiru tinan 2024, ne’ebe durante fulan neen hala’o formasaun iha Parlamentu Nasionál.
Iha serimómia despedida ne’ebe hala’o iha sala konferénsia Parlamenut Nasionál, iha loron 16 fulan fevereiru tinan 2024 ne’e, ho prezensa husi Embaixádor Brazil iha Timor-Leste no Prezidente Parlamentu Nasionál akompaña husi Sekretáriu-Jerál ho nia Adjunto no Diretor sira.
Prezidente Parlamentu Nasionál agradese ba kooperasaun sira liu husi Agência Brasileira de Cooperacão hodi apoiu formasaun ba rekursu umanu Parlamentu Nasionál, iha area transkrisaun, protokolu no relasaun publika ne’ebe hala’o ona iha tinan 2023 liu ba.
Formasaun takigrafia ne’e importante ba funsionariu sira Divizaun DIRTRAD nian, oinsá bele fasilita di’ak liutan servisu divizaun refere.
Iha serimonia despedida ne’e fahe mós sertifikadu ba funsionariu sira DIRTRAD nian ne’ebe durante fulan nee tuir formasaun. FIM
