Pagina Inicial»Noticia
Parlamentu Nasionál liu husi sesaun plenária iha loron 23 no 24 fulan agosto tinan 2023, diskute no aprova ona iha final global Proposta Orsamentu Retifikativu ho 41 votu a favor, 0 kontra no 23 abstensaun.
Proposta OR ne’ebé governu aprezenta mak Administrasaun Sentral, Fundu Rezerva ba Seguransa Sosiál ho RAEOA hamutuk 1.9 biliões dolares amerikanu.
Durante diskusaun iha loron dahuluk no daruak ne’e, Deputadu sira hamutuk ho governu diskute makas liu kona-ba proposta OR refere ba kada liña ministerial ho proposta alterasaun no aditamentu sira.
Ho aprovasaun final global ne’e, Komisaun Finansas Públikas sei halo redasaun final no envia ba gabinete Prezidente Parlamentu Nasionál antes haruka ba Prezidente Repúblika.
Sesaun plenária ne’e prezide husi Prezidente Parlamentu Nasionál interina, Maria Terezinha Viegas, akompaña husi membru Meza sira no hetan prezensa husi Primeiru-Ministru, Kay Rala Xanana Gusmão ho membru governu sira. FIM
