Pagina Inicial»Noticia
Prezidente Parlamentu Nasionál, Maria Fernanda Lay, akompaña husi Vise-Prezidente na’in rua, simu audiénsia husi Board ba Fundasaun Pátria, Filomena Barros dos Reis, iha loron 01 fulan agosto tinan 2023, iha gabinete Prezidente nian.
Iha audiénsia ne’e parte Pátria kongratula Prezidente Parlamentu Nasionál ne’ebé hanesan feto ida lidera órgaun soberania.
Realidade ne’e hatudu servisu organizasaun feto sira durante ne’e hatudu sinal pozitivu, oinsá kontinua halo advokasia no formasaun ba feto sira iha nivel hothotu.
Iha loron hanesan, Prezidente Parlamentu Nasionál mós simu audiénsia husi Xefe Gabinete UN WOMEN iha Timor-Leste, Nishtha Satyam ho nia ekipa, hodi ko’alia kona-ba apoiu kooperasaun ba Parlamentu Nasionál liu husi GMPTL hodi haree ba lejizlasaun sira ba asuntu feto.
Prezidente Parlamentu Nasionál apresia ho servisu organizasaun sira inklui UN WOMEN atu kontinua apoiu grupo feto sira inklui Parlamentu Nasionál iha setor sira importante liuliu iha prosesu desentralizasaun administrativa. FIM
