Pagina Inicial»Noticia
Parlamentu Nasionál, liu husi reuniaun Plenária ordinaria, iha loron 26 fulan juñu tinan 2023 halo ona eleisaun ba membru Meza sira hanesan Vise Prezidente Parlamentu Nasionál na’in rua, Sekretária Meza ho nia Vise-Sekretária Meza na’in rua.
Lista kandidatu membru Meza ba VI Lejizlatura ne’ebé aprezenta husi bankada parlamentar CNRT ho PD ne’e hetan 43 votos a favor, 0 kontra, 20 abstensaun no 1 nulu.
Deputadu sira ne’ebe eleitu sai membru Meza VI Lejizlatura mak hanesan; Deputada Maria Terezinha da Silva Viegas (1º Vise-Prezidente Parlamentu Nasionál), Deputadu Alexandrino Afonso Nunes (2º Vise-Prezidente Parlamentu Nasionál), Deputada Virgínia Ana Belo (Sekretária Meza), Deputada Maria Teresa Gusmão (1º Vise-Sekretária Meza) no Deputada Bendita Moniz Magno (2º Vise-Sekretária Meza).
Reuniaun plenaria ne’e prezide husi Prezidente Parlamentu Nasionál, Maria Fernanda Lay, akompaña husi Sekretária Meza provizoria, Deputada Maria Terezinha da Silva Viegas. FIM
