Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, simu audiénsia husi reprezentante Parlamentu Foinsa’e, ba periodu IV, Sania Araujo Pereira, ho nia ekipa, iha loron 30 fulan marsu tinan 2023, iha Gabinete Prezidente Parlamentu nian.
Objetivu husi audiénsia refere atu aprezenta relatoriu husi rezultadu debate iha Plenaria Parlamentu Foinsa’e nian ne’ebe realiza iha Munisipiu Baucau, iha fulan dezembru tinan 2022 nian.
Membru Parlamentu Foinsa’e ne’e halo peskiza iha munisipiu sira ba asuntu Juventude nia partisipasaun iha Sivika, Juventude ba Edukasaun, Juventude ba moris Saudavel, Juventude ba Violensia no Krime no Juventude Empregu. Husi rezolusaun sira ne’e hotu, halo rekomendasaun lubuk ida hodi fó atensaun liu ba Juventude sira.
Prezidente Parlamentu Nasionál kongratula ba membru Parlamentu Foinsa’e ne’ebe mak halo atividade iha baze hodi rekolla problema sira ne’ebe akontese iha sosiedade, Prezidente sei envia rezultadu husi Parlamentu Foinsa’e ne’e ba Deputadu sira hotu hodi diskuti no tau atensaun ba problema joventude nian. FIM
