Pagina Inicial»Noticia
Sentru Formasaun Parlamentar kontinua proporsiona formasaun kona-ba regra Ezekusaun Orsamentu Jerál Estadu 2023 ba funsionariu Parlamentu Nasionál, ho kategoria superior no tekniku profissional parlamentar, husi divizaun oi-oin iha Sekretariadu- Jerál Parlamentu Nasional nian, inklui tekniku Bankada Parlamentares total 39 partisipantes.
Asaun formasaun no dezenvolmentu ne’ebé realiza iha salaun City 8, hanesan asaun kontinuasaun ba programa kapasitasaun no dezenvolvimentu kapasidade funsionariu-sira ho materia oinsá uja regra ezekuta orsamentu jeral estadu 2023 tuir dekretu lei nú 1/2023 loron 25 fulan janeiru.
Iha abertura, Señor Sekretáriu-Jerál Adjuntu Parlamentu Nasionál enkoraja formandu sira atu aproveita formasaun ne’e ho di’ak, hodi hatene oinsá ezekuta OJE 2023 tuir regra foun Aprovizionamentu nian, ida-ne’e hanesan bukae ida ba ita nune’e bele iha koñesementu klean ba regra sira.
Formador ba materia hirak ne’e mai husi Ministériu Finansas, hanesan Diretora Jerál Tijoru ho Kordenador Juridiku.
Iha abertura ba formasaun, konta ho prezensa Señor Sekretáriu-Jerál Adjuntu, João Rui Amaral, Diretora Jerál Tizoru, Regina de Jesus Sousa, Kordenador Juridiku Ministéiru Finansas, Xefe Sentru Formasaun Parlamentar, Lino Soares de Carvalho. FIM
