Pagina Inicial»Noticia
Parlamentu Nasionál liu husi sesaun plenária ordinária iha loron 31 fulan janeiru tinan 2023, halo debate ho Governu liu husi Vise-Primeiru-Ministru no Ministru Planu no Ordenamentu, José Maria dos Reis, ho nia ekipa kona-ba planeamentu estratéjiku no perspetiva futuru ba revizaun planu estratéjiku dezenvolvimentu.
Iha diskusaun ne’e, Vise-Primeiru-Ministru akompaña ho tekniku sira halo aprezentasaun kona-ba situasaun ekonomika, prosesu dezenvolvimentu liga ba planu estratéjiku dezenvolvimentu.
Planu refere kontinua halo konsultasaun ba parte hotu-hotu atu rona opiniaun no sujestaun sira atu define planu estratéjiku ida integradu bazeia ba realidade.
Iha período de antes da ordem do dia nian Deputadu sira kontinua aprezenta preokupasaun komunidade sira-nian liga ba asuntu infraestrutura, saúde no edukasaun atu Governu bele solusiona. FIM
