Pagina Inicial»Noticia
Parlamentu Nasionál, iha sesaun plenária ordinária, iha loron 16 fulan janeiru tinan 2023, realiza debate ho Governu liu husi Ministeriu Negosiu Estranjeiru no Kooperasaun, Ministeriu Interior no Sekretária Estadu Formasaun Profissional no Empregu, kona-ba sidadaun timoroan ih arai-li'ur liuliu iha Portugal ne’ebe durante ne’e hamosu polemika iha sosiedade.
Durante debate, Governu introduz kondisaun no situasaun ne’ebe timoroan sira enfrenta iha Portugal inklui esforsu sira ne’ebe Governu halo ona hodi solusiona problema ne’e.
Deputadu sira kontinua enkoraza Governu atu buka solusaun ba problema ne’ebe timoroan sira hasoru liu husi kooperasaun no komunikasaun Estadu rua Timor-Leste no Portugal.
Iha sesaun plenária ne’e mós Deputadu sira sujere atu Governu kontinua rezolve problema sosial sira hanesan kontrolu folin sasan nesesidade baziku, estrada no ponte sira ne’ebe difikulta movimentasaun komunidade sira-nian inklui asuntu sira seluk. FIM
