Parlamentu Nasionál iha sesaun plenária ordinária, iha loron 9 fulan janeiro tinan 2023, aprova votu pezar ba Monseñor José António da Costa, ne’ebe hakotu is iha fulan dezembro liu ba, ho votus 50 a favor, 0 kontra no 0 abstensaun.
Hafoin votu pezar, kontinua kedas ba aprezentasaun relatório kona-ba partisipasaun XI AP-CPLP iha Lisboa, Portugal, iha loron 24 too 25 fulan outubro tinan 2022.
Iha sesaun plenária ne’e mós halo diskusaun no aprovasaun ba Projetu Rezolusaun Parlamentu Nasionál n.o 22/V(4ª) – Ratifica a Emenda de Doha ao Protocolo de Quioto à Convenção-Quadro das Nações Unidas sobre Alterações Climáticas.
Entretantu iha intervensaun diversas nian, Deputadu sira aprezenta preokupasaun sira ne’ebe komunidade sira enfrenta liuliu iha área infraestrutura, ekonomia hanesan subsidio hirak ne’ebe Governu kria no seluk tan. FIM
