Pagina Inicial»Noticia
Sekretáriadu-Jerál Parlamentu Nasionál liu husi Divizaun Sentru Formasaun Parlamentar kontinua organiza formasaun ba funsionáriu sira Parlamentu Nasionál nian.
Formasaun ne’ebe hala’o iha Munisipiu Aileu ne’e loke husi Sekretáriu-Jerál Parlamentu Nasionál, Adelino Afonso de Jesus, akompaña husi formador sira husi INAP (Institutu Nasionál Administrasaun Públika).
Sekretáriu-Jerál enkoraja funsionáriu sira atu aproveita oportunidade ne’e hodi aumenta koñesimentu no abilidade hodi servi di’ak liu tan instituisaun no povu em-jeral.
Funsionáriu sira ne’ebe tuir formasaun ne’e mai husi kategoria Administrativu Parlamentar inklui kategoria assistente ho materia ba formasaun mak Jestaun Eskritóriu.
Formasaun ne'e sei hala'o durante semana ida hahú iha loron 25 too 29 fulan jullu tinan 2022. FIM
