Pagina Inicial»Noticia
Sekretária Meza Parlamentu Nasionál, Deputada Lídia Norberta dos Santos Martins, Reprezenta Prezidente Parlamentu Nasionál hodi partisipa iha reuniaun temátika kona-bá “mudanças climáticas face aos desafios do desenvolvimento” ne’ebé organiza husi Uniaun Interparlamentar no Assembleia Nacional de Cabo Verde, iha loron 18 too 19 fulan jullu tinan 2022, iha Praia, Cabo Verde.
Iha reuniaun ne’e Deputada halo aprezentasaun kona-bá subtéma ne’ebé atribui mai Timor-Leste “A importância da restauração agroflorestal como forma diminuir a problemática dos refugiados climáticos ”-Timor-Leste
Aprezentasaun ne’e hetan apresiasaun makas husi membru CPLP sira ba polítika no medida sira ne’ebé Timor-Leste hola hodi fó protesaun ambiente liu-liu iha pakote lei sira ne’ebé iha ona, no asisténsia ba sidadaun sira iha momentu ne’ebé merkadu finanseira la ihá estabilidade, tamba kauza husi funu entre Ukraine no Russia.
Ho nune’e, Timor-Leste apela ba nasaun sira atu defende no opta ba prinsípiu multilateralismu, buka forma hotu-hotu hodi evita konflitu no husu atu nasaun sira hola papél ida ativu hodi buka lalais solusaun diplomátika ba kestaun Ukraine ho Russia. FIM
