Pagina Inicial»Noticia
Parlamentu Nasionál liu husi sesaun plenária ordinária, iha loron 3 fulan maiu tinan 2022, halo votu kongratulasaun ba loron Mundial Lian Portuguesa, ho 52 votu a favor, 0 kontra no 0 abstensaun.
Votu kongratulasaun ne’e halo atu komemora loron Mundial Lian Português ne’ebé sei monu iha loorn 5 fulan maiu.
Ho komemorasaun ne’e, Parlamentu Nasionál organiza Konkursu online kona-ba lian no kultura iha português, ho partisipasaun Deputadu sira, funsionariu parlamentar no bankada sira, Debate ho tema «20 anos depois em que língua falamos?» iha auditoriu Fundação Oriente no seminário ho tema «O Mundo em Português» iha auditoriu Ministeriu Negosiu Estranjeiru no Kooperasaun ne’ebe sei realiza iha loron 6 fulan maiu tinan 2022.
Iha sesaun plenária ne’e mós Deputadu sira halo aprovasaun ba Konta Ezekusaun Orsamentál Parlamentu Nasionál tinan 2021 nian ho 46 votu a favor, 0 kontra no 2 abtensaun. FIM.
