Pagina Inicial»Noticia
Parlamentu Nasionál liu husi sesaun plenária ordinária iha loron 15 fulan fevereiru tinan 2022, realiza debate ho Governu kona-ba evolusaun ba situasaun epidemiolójika no sanitária iha nasaun no ezekusaun ba medida sira ba kombate Covid-19.
Debate ne’ebé prezide husi Presidente Parlamentu Nasionál, Aniceto Longuinhos Guterres Lopes, ho prezensa husi Ministru Koordenadór ba Asuntu Ekonómiku, Joaquim Amaral no Ministra Saúde, Odete Maria Freitas Belo, ne’e ko’alia liu kona-ba númeru kazu Covid-19 iha semana ikus ne’ebé kuaze aumenta makas.
Deputadu sira mós sujere ba Governu atu kontinua atualiza kazu Covid-19 ho nia variante sira inklui vitima husi Covid-19, nune’e públiku kontinua iha informasaun ne’ebé klaru.
Iha período antes ordem do dia nian, Komisaun D ne’ebé trata asuntu ekonomia no dezenvolvimentu, aprezenta nia relatóriu fiskalizasaun ba Munisípiu Manatuto hodi hetan konsiderasaun husi Governu liuliu ministériu kompetente. FIM
