Pagina Inicial»Noticia
Sekretáriadu-Jeral Parlamentu Nasionál liu husi Kordenadora Gabinete Relasaun Internasionál no Koperasaun (GRIC), Joaninha da Costa, Xefe Divizaun Protokolu (DIP), Paulo da Costa Nunes no Xefe Divizaun Relasaun Públika Komunikasaun no Edukasaun Sivika (DIRPEC), Agus dos Santos, partisipa iha IV Reuniaun Kuadru Relasaun Públika, Protokolu no Relasaun Internasionál, liu husi Zoom ka Videokonferensia, iha loron 10 fulan setembru tinan 2021.
Reuniaun refere diskute liu kona-ba Boas Praticas e Experiencias sobre Organização de Eventos Internacionais: Aplicações Praticas para os Eventos da Associação dos Secretários-Gerais dos Parlamentos de Língua Portuguesa (ASG-PLP).
Iha reuniaun ne’e kada Parlamentu partilha nia esperensia kona-ba organizasaun ba eventu importante sira iha CPLP no aprezenta sujestaun no ideia di’ak ba futuru organizasaun eventu sira.
Entretantu kuadru sira Parlamentu Nasionál Timor-Leste iha nia aprezentasaun introduz kona-ba esperensia organizasaun eventu AP-CPLP no ASG-PLP iha tinan 2014 liu ba ho nia dezafiu no rekomendasaun ba parlamentu sira seluk.
