Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, halo reuniaun mensal ho Prezidente Repúblika, Francisco Guterres «Lu-Olo», iha loron 4 fulan agosto tinan 2021, iha Palasio Prezidensial Bairro-Pite Díli.
Hafoin reuniaun, Prezidente Parlamentu Nasionál ba jornalista sira hatete, durante reuniaun ho Prezidente Repúblika atualiza kona-ba servisu no funsionamentu parlamentar liuliu reunian plenária ne’ebe hala’o husi Komisaun Permanente.
Alem de ne’e informa mós kona-ba servisu Komisaun Espesializada sira maski iha períodu resesu maib’e iha komisaun balun kontinua halo servisu normal liuliu Komisaun A halo diskusaun espesialidade ba Projeto Lei Estatutu Majistradus Judisiais, no Komisaun C no D halo diskusaun espesialidade ba Proposta Lei Enkuadramentu Orsamentu Jeral Estadu.
Parlamentu Nasionál kontinua esforsu hodi finaliza lejislasaun hirak ne’ebe iha ona Parlamentu Nasionál antes lejislatura ne’e termina.
