Presidente Parlamentu Nasionál, Aniceto Longuinhos Guterres Lopes, akompaña husi Sekretária da Mesa, Lídia Norberta, iha loron 23 fulan juñu tinan 2021, simu iha audiência Provedora Direitus Humanus no Justisa, Jesuina Maria Ferreira Gomes, akompaña husi Provedor Adjuntu ba asuntu Boa Governação, Sr. José Telo Soares Cristovão no Provedora Adjunta ba asuntu Direitus Umanus, Sra. Benicia Eriana Magno, iha Gabinete Prezidente Parlamentu Nasionál.
Iha audiência ida ne’e, Provedora apresenta relatório anual tinan 2020 nian ba Presidente Parlamentu Nasionál bazeia ba estatutu Provedor nian ne’ebé haktuir katak, kada tinan Provedor tenke entrega relatoriu anual ba iha Parlamentu Nasionál, hodi bele agenda ba debate iha sessão plenária.
Ikus mai, Provedora entrega livro relatório atividade Provedoria Direitus Humanus no Justiça ba Presidente Parlamentu Nasionál.
