Komisaun A Parlamentu Nasionál nian ne’ebe trata assuntu Konstituisionais no Justisa, lidera hussi Presidente Komisaun A, Deputado Joaquim dos Santos “Boraluli”, hamutuk ho Deputadu sira komisaun nian, halo diskusaun no aprovasaun iha Especialidade ba Proposta Lei nº 30/V(3ª) – terceira alteração à Lei nº 5/2006, de 28 de dezembro, sobre Órgão da Administração Eleitoral, iha loron 23 fulan juñu tinan 2021, iha Salaun Aisirimou Município Aileu.
Deputado sira halo diskusaun durante loron tomak ho prezensa hussi Ministru no Vice-Ministru Administrasaun Estatal, Presidente Comissão Nacional de Eleições (CNE) no Diretor Geral do Secretariado Técnico de Administração Eleitoral (STAE)..
Proposta de Lei Orgaun Administrasaun Eleitoral ne’ebé aprova ona iha especialidade ho total artigos Lima (5º) mak hanesan; Artigo 1º- Objetu; Artigos 2º -Alterasaun ba Lei no 5/2006, 28 de novembro; Artigo 3º -Norma Revogatória; Artigo 4º -Republikasaun; no Artigo 5º -Entrada em Vigor.
Depois diskusaun, Presidente Komisaun A, ba jornalista sira hatete, diskusaun ne’e foka liu ba asuntu ne’ebe mak importante no teknikus, mak hanesan kompetência sira STAE nian hodi iha possibilidade atu halo pareser tekniku e jurídico ba Governu atu bele halo regulamentu ou dekreto lei, atu nune Governu bele implementa.
Presidente Komisaun ne’e mos hatete, CNE nia competência balun tenki halo kooperasaun ho STAE atu nune sira bele prepara ba resenciamento eleitoral, hodi bele halo diskusaun ho Partidos politikus, no mos ba kandidatus sira ne’ebe mak atu kandidata an.
