Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, simu audiénsia husi Prezidente Tribunal Rekursu, Deolindo dos Santos, iha loron 9 fulan juñu tinan 2021, iha Gabinete Prezidente nian.
Hafoin reuniaun Prezidente Tribunal Rekursu informa ba jornalista sira katak durante reuniaun diskute asuntu rua ne’ebe importante ba Estadu hanesan Lei Prevensaun no Kombate Korupsaun no Lei Eleisaun Prezidensial.
Tanba iha Lei Prevensaun no Kombate Korupsaun ne’e iha artigu ida regula kona-ba deklarasaun riku soin nune’e hanesan Parlamentu Nasionál liuliu Deputadu sira presija organiza oinsá atu bele halo deklarasaun ba riku soin iha futuru.
Entretantu kona-ba Lei Eleitoral ba Prezidensia Repúblika ne’ebe horas ne’e daudaun Governu no Parlamentu Nasionál diskute hela, presija fó tempu ba entidade relevante sira atu fó opiniaun teknika ne’ebe di’ak liu. Tanba presija haree asuntu ne’e hahú husi prosesu candidatura to’o proklamasaun rezultadu eleisaun nian.
