Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, akompaña husi Prezidente Komisaun A, Deputadu Joaquim dos Santos «Boraluli», halo reuniaun mensal ho Prezidente Repúblika, Francisco Guterres «Lu-Olo», iha Palasiu Prezidensial Bairo-Pite Díli, iha loron 8 fulan juñu tinan 2021.
Durante reuniaun ko’alia liu kona-ba servisu parlamentar liuliu prosesu lejislativu sira ne’ebe horas ne’e daudaun Parlamentu Nasionál diskute.
Pakote lejislasaun hirak ne’ebe iha ona Parlamentu Nasionál no hahu halo audiénsia no diskusaun mak pakote lei reforma judisiariu, pakote lei eleitoral no lei enkuadramentu orsamentu no jestaun.
Ho períodu resesu ne’ebe besik ona, hahu iha 15 fulan jullu too 15 fulan setembro, Parlamentu Nasionál tenke prioritiza lei hirak ne’ebe konsidera urjente atu dikute lalais hodi hetan aprovasaun, liuliu lei leitoral nian tanba Governu presija halo preparasaun ne’ebe sufisente atu realiza eleisaun iha tinan oin.
